ජනමාධ්‍යවේදීන්ට, කලාකරුවන්ට සහ ස්වයං රැකියාවල නියුතු අයට සහන සැලසීම කෙරෙහි රජයේ අවධානය යොමු වී තිබේ.
ඒ අනුව බැසිල් රාජපක්ෂගේ ප්‍රධානත්වයෙන් යුත් ජනාධිපති කාර්ය සාධක බලකායට මේ සම්බන්ධයෙන් යෝජනාවක් ඉදිරිපත් කරන ලෙස ජනාධිපතිවරයා උපදෙස් ලබා දී ඇති බව අමාත්‍ය බන්දුල ගුණවර්ධන මහතා රජයේ තොරතුරු දෙපාර්තමේන්තුවේ (09) පැවති කැබිනට් මාධ්‍ය සාකච්ඡාවේදී පැවසීය.
මාධ්‍යවේදීන්ට පමණක් නොව, ටෙලි නාට්‍ය නළු නිළියන්ට සහ කලාකරුවන්ට ද සහනදායක ණය යෝජනා ක්‍රම ලබා දීම කෙරෙහි අවධානය යොමු කර ඇති අතර එමඟින් අන් අයට බරක් නොවී තම ජීවිතය කළමනාකරණය කර ගත හැකි වනු ඇතැයි ඔහු පැවසීය.
තොරතුරු ලබා ගැනීමකින් තොරව කිසිවෙකුට ජීවත්විය නොහැකි බැවින් මේ වන විට ජනමාධ්‍යවේදීන් විශාල කාර්යයක් ඉටු කරමින් සිටින බවත්, එම දුෂ්කර කාලවලදී ජනමාධ්‍යවේදීන් මුහුණ දෙන දුෂ්කර තත්වය පිළිබඳව රජය අවධානය යොමු කර ඇති බවත් අමාත්‍යවරයා සඳහන් කළේය.
0 comments:
Post a Comment